Fondacioni Tradita Popullore, në bashkëpunim me Qendrën Shqiptare për Zhvillimin e Familjes (ACFD), vijoi zbatimin e projektit Y-CRAFT – Youth for Cultural Revival and Artisanal Future Traditions, që synon afrimin e të rinjve me traditën dhe trashëgiminë kulturore shqiptare.
Workshopi i tetë u fokusua në prezantimin, diskutimin dhe përzgjedhjen e skicimeve të realizuara nga të rinjtë gjatë procesit krijues. Pjesëmarrësit prezantuan idetë e tyre dhe përzgjodhën konceptet më të përshtatshme për fazën e mëtejshme të zhvillimit.
Skicat e përzgjedhura do të orientohen drejt finalizimit dhe shndërrimit në produkte konkrete, duke nxitur kreativitetin, bashkëpunimin dhe mendimin kritik.
Projekti zbatohet në kuadër të skemës së nën-grantimit BOOST Balkans, të zbatuar nga ALDA – European Association for Local Democracy, me mbështetjen e AFD – Agence Française de Développement.
